അസിസ്റ്റൻറ് എൻജിനീയർമാരുടെജനറൽ ട്രാൻസ്ഫർ സ്ഥലംമാറ്റത്തിൽ ജില്ലാ സെക്രട്ടറിയെ അന്യായമായി സ്ഥലം മാറ്റിയതിൽ അസോസിയേഷൻ ഓഫ് കേരള വാട്ടർ അതോറിറ്റി ഓഫീസേഴ്സ്ൻ്റെ കോട്ടയം ജില്ലാ കമ്മിറ്റി പ്രതിഷേധ യോഗവും മാർച്ചും നടത്തി. പൊതു സ്ഥലംമാറ്റ മാനദണ്ഡങ്ങൾ പാലിക്കാതെ ഉത്തരവ് ഇറക്കി ജീവനക്കാരെ ബുദ്ധിമുട്ടിക്കുന്ന മാനേജ്മെൻറ് നടപടിക്കെതിരെ യോഗം പ്രതിഷേധo രേഖപ്പെടുത്തുകയും ഓർഡർ കത്തിക്കുകയും ചെയ്തു. സംഘടനയുടെ ജില്ലാ പ്രസിഡൻറ് സഖാവ് അനിൽരാജ് അധ്യക്ഷത വഹിച്ച യോഗത്തിൽ സംഘടനയുടെ സംസ്ഥാന വൈസ് പ്രസിഡണ്ട് തുളസീധരൻ T പ്രതിഷേധ മാർച്ച് ഉദ്ഘാടനം ചെയ്യുകയും സംസ്ഥാന സെക്രട്ടറിയേറ്റ് അംഗം സുരേഷ് കെ വിശദീകരണം നടത്തുകയും ചെയ്തു. ഈ യോഗത്തിന് ജില്ലാ ട്രഷറർ പ്രദീപ് ടോംസ് നന്ദി പറഞ്ഞു. പ്രതിഷേധ മാർച്ചിലും തുടർന്ന് നടന്ന വിശദീകരണത്തിലും ജില്ലയിലെ 85% ഓഫീസർമാരും പങ്കാളികളായി.
